Նկարագրություն
Գրությունը վերաբերում է Կիլիկիայի բոլոր որբանոցների համար հաստատված կանոնակարգով կենտրոնացված վարչություն ստեղծելուն: Նկարագրվում է Կիլիկիայի դրության վատթարացումը, որի հետևանքով առաջ է եկել որբանոցներից որբերի անվնաս տեղափոխությունը կազմակերպելու հարցը, մասնավորապես, ունենալով օրինակը, երբ թուրքական կողմից առաջինը կրակ է բացվել ամերիկյան դրոշի ներքո գտնվող Հարունիեի որբանոցի վրա: Այդ պատճառով որոշում է կայացվել Ադանայից որբերին տեղափոխել Մերսին: Քանի որ Կիլիկիայում գտնվող որբերի և տարագիրների գլխավոր պատասխանատուն Պ. Պրէմոնէն էր, եկել են պայմանավորվածության, որ բոլոր գործողությունները կատարվեն գրավոր հայտարարությունների և վկայությունների հիման վրա՝ ապագայում որպես ապացույցներ ունենալու համար: Նաև նկարագրում է Տամատյանի հետ ունեցած տեսակցության մանրամասները, որը նույնպես վերաբերում է որբերին Մերսինում տեղավորելու հարցերին:
Հիմք՝ ՀԱԱ, Ֆ.430, ց.1, գ.328, թթ.5-7, պատճեն, մեքենագիր, հայերեն:
