Հրապարակվող նյութերը պետք է ունենան գիտական նորույթ, նյութերում առկա փոխառված մտքերի ու պնդումների համար հղումների առկայությունը պարտադիր է։
Աշխատանքներին ներկայացվող տեխնիկական պահանջներն են. Համակարգչային շարվածքը՝ MS Word 2003-2010 ծրագիր: Էջի ֆորմատը՝ A4 170*240 մմ, լուսանցքները բոլոր կողմերից` 20 մմ:
Հոդվածի ներկայացման լեզուն՝ հայերեն, անգլերեն, ռուսերեն: Ներկայացվող հայերեն նյութերը պետք է լինեն GHEA Grapalat (Unicode) տառատեսակով, իսկ ռուսերեն և անգլերեն նյութերը՝ Times New Roman տառատեսակով։
Տպագրվող նյութերը պետք է ունենան պարբերականում ընդունված կառուցվածք՝ ըստ բաժինների և ենթաբաժինների։
Վերնագիրը մեջտեղում, գլխատառերով,
մեկ տող ներքև՝ տվյալներ հեղինակի մասին՝ անուն, հայրանուն, ազգանուն, գիտական կոչում, գիտական աստիճան, պաշտոն, աշխատանքի վայրը` ամբիոն, ֆակուլտետ, բուհի անվանումը, քաղաք, երկիր; էլեկտրոնային հասցե: Եթե հոդվածի հեղինակները մի քանիսն են, ապա տեղեկատվությունը կրկնվում է յուրաքանչյուր հեղինակի համար:
Մեկ տող բաց թողնելով ներկայացվում է հոդվածի ամփոփագիրը (abstract, аннотация): Հոդվածների ամփոփագրերը պետք է պարունակեն որոշակի, հստակ և ընդգրկուն տեղեկատվություն նյութի վերաբերյալ՝ հետազոտության նպատակները, խնդիրները, մեթոդները, ինչպես նաև հեղինակի հիմնական եզրահանգումները։ Ամփոփագիրը պետք է ներկայացվի 150-250 բառի սահմաններում՝ հայերեն, անգլերեն և ռուսերեն:
Մեկ տող բաց թողնելով ներկայացնել բանալի բառերը՝ 7-10 հիմնաբառ:
Մեկ տող բաց թողնելով ներկայացնել աշխատանքի հիմնական տեքստը ենթավերնագրերով: Տեքստի տառաչափը 12 pt է, տողերի հեռավորությունը՝ 1,5: Տեքստը պետք է հավասարեցված լինի երկու կողմերից: Պարբերությունները սկսել 1 սմ խորքից՝ TAB-ի կիրառմամբ:
Հոդվածի տեքստը պետք է ունենա հստակ կառուցվածք, տրամաբանություն եւ հայեցակարգային ընդհանրություն՝ խնդրի ներկայացում, քննարկում, արդյունքներ, եզրակացություն, գրականության ցանկ:
Հղումները պարտադիր են, ներկայացվում են էջերի ներքևում։
